बाबो म्हाने भोलाय गयो पूजा, गांव गयो दूजा

बाबो म्हाने भोलाय गयो पूजा, गांव गयो दूजा जीमो जी कांइ आंट जी करमा म्हारो नाम, योहिछे म्हारो गांव मैं बेटी जाट की उठ सी में स्नान मैंतो कीनो, खोल मंदिर गुहारो दिनो ल्याई धोलकी गाय को दूध, उठो थे मुंडो धोयकर पीलो जीमो जीमो खिचड़ो आप, घी की तो कांई बात कड्डी तो घालूं छाछ की ।। करमा ।। काल थारे तांई सीरो बनाऊँ, पानी मिठोड़े कुएं रो लाऊँ मूंगा री दाल जम घी की नाल, थाने छोटा छोटा फलका जिमाऊँ प्रभु भावे सोही ले लीजो, माने कह कीजो कमी ना कोई बात की ।। करमा ।। थारा किया किया हुकम निभाऊ थे जिम लियो तो मैं भी रोटी खाऊं - 2 धाबलियो रो पर्दो लगाऊं , मुडो फेर खडी मे होय जाऊं - 2 प्रभु रुच रुच भोग लगावे, देखती जावे प्रेम से बातकी ।। करमा ।। पर्दो भेलो कर कर्मा बोली थे धाप ग्या तो हात धुलाऊ कल जल्धी जमन ने ऐजो मे थार ताई राबड़ी बनाऊं प्रभू बोले कर्मा जऊ मे कल पचौ आऊ बन्सरिया भुली हात की ।।करमा।।